RGP鏡的透氧度及防黏淚水污垢方面確實表現較佳及健康。
而合適的RGP鏡是不會壓住角膜。
請注意，任何一種隱形眼鏡，如驗配或處理不當，亦有可能令角膜受傷。
建議隱形眼鏡配戴者每半年接受全面眼科視光檢查及隱型眼鏡跟進護理，由眼科視光師跟進角膜健康、淚水分泌、隱形眼鏡移動程度及濕潤度、眼睛舒適度等。
我右隻眼有一撻紅色血塊係眼球白色既位,都有7,8年多,問過醫生佢話係胎記,叫我唔好整到佢,唔係會流血不止,但我一D都冇痛,同左眼睇野冇咩分別,但影相就好明顯一撻,我想問係咩黎架? 因為我有近視想戴隱形眼鏡,我唔知戴左會唔會有影響???
依閣下情況，眼科視光師多不建議配戴隱形眼鏡。
如有懷疑，建議接受全面眼科視光檢查，由眼科視光師作出診斷及建議。
本人31歲，剛在眼科醫院確診雙眼視力正常，但聚焦點不一致而導致有重影出現 而並非神經問題導致的。請問這和散光有分別嗎？可以通過訓練去矯正嗎？如可通過訓練矯正 通常需要多久？矯正視力訓練的成功率有多大呢？謝謝
懷疑是斜視所致，惜成人的視覺訓練成功率偏低。
如有懷疑，建議接受全面眼科視光檢查，由眼科視光師作出診斷及建議。
你好!本人於零八年十二月七日突然劇烈頭痛，其後更趨嚴重，並有重影，怕光，眼後痛(如針刺和火燒)、頭痛，痕癢等的病徵，起初只是右眼，約五個月後左眼亦有如此情況。本人曾向不少醫生求診，當中診斷不一。本人是否患上視覺神經發炎? 本人亦曾接受MRI檢查，結果為正常，是否代表不是患有該眼疾?當中亦有醫生指出本人視覺神經已受損，是否因此，所以本人多次驗配眼鏡，仍出現少許重影，眼痛，頭痛的現象﹖或是兩者無直接關係?謝謝!
因理大眼科視光學診所有進一步檢查視神經的儀器，建議致電2766 5225作預約詳細檢查。
1) 有時望野既時候有很多透明既蚊飛過 2)左眼有時睇野會見到有條透明既線係度, 係吾係視網膜花左? 我有戴CON, 一星期帶1-2次左右, ｄａｙ ｃｏｎ！ 需吾需要去檢查？ 眼鏡鋪要去醫院先ｃｈｅｃｋ到呢啲，
據閣下描述，該透明線懷疑是因玻璃體正常退化而產生的「飛蚊」(可呈粒或條狀)，通常深近視患者會出現較多「飛蚊」，但若短時間內突現大量，則擔心有視網膜病變或脫落的問題。
另建議隱形眼鏡配戴者每半年接受全面眼科視光檢查及隱型眼鏡跟進護理。
我有鴛鴦眼,近視175(左), 遠視100(右)加幾十度散光. 配了con後發覺看不到近距離的東西, 連手指都看不清楚(不能對焦). 眼鏡店員提議改度數 /-50度, 帶後是看到近的東西, 但遠的又看不清. 經常斬眼很多次才能看清楚. 雙眼帶con每到下午開始就很乾及有點痛, 是否有問題呢?
懷疑是老花或調節能力不足，建議接受全面眼科視光檢查，由眼科視光師作出診斷及建議。
我看醫生,他就我有假近視,看了整年醫院,最後醫生說無得醫,叫我不用看了,有什麼方法可以改善?
假近視的度數愈深及出現愈久，則愈難處理。
一般會建議逐漸(每隔幾個月)減淺鏡片度數及透過望遠望近的對焦訓練，盡量放鬆眼肌，否則則有機會提早出現老花。
我眼白入面有個小水泡，時有時無，請問有沒有大問題？
此類水泡應屬正常，或可找眼科醫生團體處理。
想問下, 小女今年4歲..岩岩係健康院檢查完眼…話佢有散光3百幾, 但又話唔同眼視, 我想問究竟係咪好嚴重? 佢話需要配戴散光鏡. 但佢由細到大都成日捽眼, 聽人話鼻敏感會成日捽眼, 是否真係? 定係同眼敏感有關?
300度散光屬嚴重，建議配戴眼鏡改善視力。
另鼻敏感亦有機會導致眼敏感。
建議兒童3歲起定期接受全面眼科視光檢查，以確保孩子的視覺發展正常，並能滿足他們生活及學習視力的需要。
我2年前右眼會開始會無啦啦痛,但只係右上方其中1part, 有時會因為眼腫,,壓住眼球而痛,,有時只係唔小心掂到都會痛,,一痛狂流眼水,對眼勁紅,,, 我自己check眼簾又唔發覺生左瘡,但摸隻眼就覺得右眼球上方唔太smooth,唔太圓囉,,有少少凸起左,,但又冇話生左咩野,,我想問我應該去邊度求醫好?又應該檢查乜野先岩?
懷疑是上眼瞼內有發炎，而非結膜表面，建議找眼科醫生團體處理。